گُلزمین ءِ پُسّگ

  کُشتگیں  بَچانی  داگ ءَ   چہ ماساں جَست کَن

  سُتگگیں  باگانی  ھال ءَ   چہ یاساں جُست کَن

  تو کہ پہ  وشیں   کلاتاں  نِشتگ ءِ سَر پد نہ ئَے

  زھریں  تیرانی  نِشان ءَ   سرمچاراں جُست کَن

  تو مَسیت ءَ    کپتگ ءِ   گوں    ھُدا  آں  ھلوت ءِ

  سُتگگیں  لوگاں  بلوچ ءِ   چہ   آساں جُست کَن

  تو پہ مُلا  دیم  دئے   گوشت ءُ  پَس ءَ نام ءِ ھُدا

  یک برے  نام  ھُدا  شُد لاپیں برساں جُست کَن

  وش ءُ آسودگ  وتی   زالانی   بگلاں  واب اِت ءَ

  سرمچار ءِ پاسپانی ءَ  شپ ءِ پاساں جُست کَن

  مَرد پہ  ماتیں  وتن  ساہ آں  وتیگاں  سَرگْوز اَنت

  گُلزمین ءِ  پُسگانی  بیا   اِے  لاشاں  جُست کَن

  تو گوں  شیراں  جان شود  مُلا  منی  واجہ منی

  پِٹے آپ ءَ تلوسی راج ھُشکیں تاساں جُست کَن

  ھانُل ءِ   چّم ءَ    شرابی     رند    بزگ بے وتیں

  ھِچ  ترا  باور  نہ  کَنت  آسکی چّماں جُست کَن

  ✍️ رند بلوچ

                                                                                                                                                                                                                                                                                                                                                                  

بِچٌاریں دل

 

اَکل ءَ دیم  داتگ   من ءَ  گل  تئی گَماں بیچاریں

 دل  تئی  مِھر   پَداں    دوستی ءَ  سک دلواریں

 

 بیا منی   ساہ ءِ   بدل   بے  تو  منی  زِند زاریں

 مَرگ  راہ   چاریں  بلے  اَنگت  تئی  اُمیت واریں

 

 روچ رژن ءَ کہ  منی  سیاھیں   شَپ ءَ چہ تاریں

 ماہ گُشے زاناں منی سیاھیں شَپ ءَ گوں زاریں

 

 بید  ترا  گُل  تو  بُگوش   کئے  کہ منی گَمواریں

 شر  زانے   کہ    دگہ   کئے  کہ  منی  رازداریں

 

 اَرس  گوارں   تئی   راہ   آنی  سراں  راہ چاریں

 بَشی   جمبر   اِے   دویں چّم  منی  بیا  ھاریں

 

 تئی   ھَیالانی   تہ آں   روچ   ءُ  شپاں ما گاریں

 چوں  پَتاتاں   من ءَ    مَلگور ءَ  تئی  سیاہ ماریں

 

 گرمزیں  لُنٹ  شراب ءَ   تو   بُگوش کئے ساریں

 مَست  ءُ  اَنوش   کَن  اَنت   لُنٹ  تئی آپ داریں

 

 تُن  شَندانی  سَرا  ھِچ  نہ پرشت   پَرچاں باریں

 بیا  تئی   لُنٹ  شراب ءَ   گوں   پُرشتیں  چاریں

 

 ھَنجریں  چّم  نگاہ   تئئ  سینگ ءَ   مئے اُپاریں

 اِے  منی  داگ  ایں  دل   ءُ   دیم   تئی پُلگاریں

 

 گرم  آہ  گوں  من ءَ   دارگ  کہ  نہ  بنت پاھاریں

 دل  تئی   بازیں     گَم ءَ   ناں  تو  بِچار  بیماریں

  

 من  منی   آرزو ءُ  دل    تئی  گماں   بے  واریں

 ماں   وتی  آر وزاں   گوں   تئی  گَم ءَ  مانداریں

 

 اِے  دل ءِ  باگ   منی  سُتکگ  ءُ ھُشک ءُ داریں

 گُل  تو    ویران     کُتگ      باگ   منی  گُلزاریں

 

 سوتگگیں    سینگ ءَ    مئے  درد  تئی  اَلگاریں

 بیا  بہ  کَن  رَھم  منی   ھال  سراں  آسگْواریں

 

 بَھت  سیاہ  تار   منی   شَپ  تئی  مُدام آتاریں

 دل  منی  ریش   اَمُل     بازیں  گماں  چہ باریں

 

 گُل ءِ     نازانی      سراں     بُلبُلی  ءَ   وازاریں

 اِے  چمن  سُتک  ءَ  پَمن   پُل  ءُ  گُل  ءَ اَنگاریں

 

 آسکی  چّم  ءَ  تو  وتی  شانک دے بے مھاریں

 چو  گُشے  ھنجرے  لگ اِت  مئے  دل ءَ کاٹاریں

 

 چاردھی  ماہ  توئے  ما   ھما  بے  نور اِستاریں

 تر  ءُ  تاب  ءَ  کہ   رویں  رُمب  تئی  دْزگْوھاریں

 

 داتگیں   داگ    تئی     زیمیں   دل  ءَ  یاتگاریں

 تْرانگ  ءَ  پیشیں  تئی  ماں  گوں  ھَیال ءَ یاریں

 

 زھریں  گَپ  شات   تئی   لَامیں   ھَبر گُپتاریں

 بیا  وتی  رازاں  بدے   ما  کہ  تئی  گوشداریں

 

 ساھِگ  ءَ  مِھر  وتی   بِل   کہ  تئی  دردواریں

 بد  وپا  ئے    تو   سَتر   اَنگت    تئی  وپاداریں

  

 دل  مجن  جوش  دگہ  دلبرے  دل سِنگساریں

 اَنگت  ءَ   دل  منی  لوٹ اِت  گُل ءَ  سینگاریں

 

 بُلبُل ءِ  ما   تئی   مِھر  باگ ءِ  گُل ءَ چّمداریں

 گُل تئی  ناز  ءُ  تَب   ءَ  ما  کہ  مُدام رَھداریں

 

 چاریں  گال ءَ  ماں  وتی  بیا تئی سرءَ کتاریں

 نئیاں  من  شائرے بَس  وسپ ءَ تئی ندکاریں

 

 ھَر  وٹاں  کُت  ماں   بیان   شئر  پَتَو گالواریں

 دیم  تِر ءَ  رند   نہ  روت   شائری گال ءَ داریں

 رند بلوچ

                                                                                                                                                                                                                                                                                                                                                               

مئے مکُران

  سرسبز ءُ شاتاپ اِے چّمن مئے مکُران مئے مکُران

  گَنجانی واھَند مئے  زمین  مئے مکُران مئے مکُران

  اَرواہ  ءُ  ساہ اِنت  جان من  ماتیں  وتن ماتیں وتن

ِ  ایمان ءُ پاکیں  مئے  وتن   مئے مکُران مئے مکُران

  وھدے دل   نِیمون  کَنت  باگاں  وتیگاں سیل کَنت

  دل بود کَنت گو تئی سَمن مئے مکُران مئے مکُران

  اِستار تْرپوکیں  آزمان   شان   اَنت رژن ءَ  پہ جھان

  تھاریں شپانی  ماہ ءِ  من  مئے مکُران مئے مکُران

  اِے آسمی  پُلانی  بو  تئی   یاسمین ءِ  رنگ ءُ بو

  تئی باگ گُل نرمیں  بدن   مئے مکُران مئے مکُران

  بیا تیس  ءُ   چاھَبار ءَ   بِچار    دریا   پَسابندن تْوار

  میر ھَمل ءِ  مُلکیں کُھن  مئے  مکُران مئے مکُران

  نوک آپ ھم مئے   زمزمیں  شَند اَنت ھم کوہ تلار

  مئے پیروکی میراس  ھَن  مئے مکُران مئے مکُران

  اِے ڈاکءُ اِے جوآنی  آپ باگانی سبزیں تئی کِشار

  اِے کَور ءُ کیلّگ تئی  مَزن  مئے مکُران مئے مکُران

  بیا رند پَدا  دیوان    کَنیں  گاریں  کلات ءَ  دَز گِریں

  زِندگ بمان  اِیت  اِے  کَرن  مئے مکُران مئے مکُران

  رند بلوچ

                                                                                                                                                                                                                                                                                                                                                                

چاربند بلوچستان

🌴بلوچستان🌴

 

    من وتی ڈیھہ ءِ تہ آں آسودگ ءَ

                     بَس وتی ماتیں وتن من پُسگ ءَ

   تو پہ زَر ءَ  یل  کَنے  مات ءَ وتی

                     من وتی مات ءِ  دواراں نِشتگ ءَ

   رند بلوچ