بهشت ءُ گُلزمین
نہ لوٹاں کِسر ءُ ماڈی ءَ بھشت ءِ
من ءَ اِے گُلزمین ھاک بَس اِنت
وتن ماتیں من ءَ اَمباز بہ کنت ءِ
وتن ماتیں من ءَ اِے ڈاک بَس اِنت
زَری پہ جَنت ءِ ساھِگ ءَ مُلا
من ءَ ڈیھہ ئے گُلانی تاک بَس اِنت
کجاں ھور ءُ کجاں گلمان مُلا
وتی اِے گُلزمین ءِ واک بَس اِنت
منی پَجّار منی ماتیں زُبان اِنت
کہ ما را وانَگی ماھتاک بَس اِنت
زران پہ گُلزمین ءَ رند کُربان
من ءَ اِے گُلزمین ھاک بَس اِنت
رند بلوچ
