بَهشتیں گُلزمین
بے کــــرارے دل ملارے گُلزمین
شانتُل ءِ وشیں ً تـوارے گُلزمین
جَنت ءِ باگانی ھال ءَ بیـــــا بگر
زیب درایں نوبھـــــــارے گُلزمین
میلب ءُ مِسـکانی بوی ھرگْوراں
یاسمیـــن ءِ بوی ھارے گُلزمین
تُستگیں دل بود کار اِیت دلبرے
ھانُل ءِ مُلــــک ءُ دیارے گُلزمین
چّم روک اِنت چاردھی ماہ گُشے
سُرمگ ءُ چّــــم ءِ تلارےگُلزمین
گوں بلوچستان سبزیں کھچر ءَ
ھر بلوچ ءِ گل کشــارے گُلزمین
جَنت ءِ ھُـــورانی گپ ءَ تو مَجن
بیا کہ مُلا مئے کــرارے گُلزمین
رند وتی ماتیں وتن وسپءَ کناں
شائرانی شئـــر تارے گُلزمین
رند بلوچ
