بلوچ ءِ رسم

  بلوچی ءِ رسم ءَ ادا چون کنے

  وتی قوم نام ءَ کُجا نوک کنے

 

  وتی راج ایل دات شُتے پہ گجر

  نئے تو  بلوچے کہ  پشکاں بدر

 

  تی ماتی  بلوچے تی پت هم بلوچ

  گجر چم روک تئی وتی راج ءَ سوچ

 

  کسے کہ وتی دود ءُ رسم ءَ چہ سئست

  بزاں  کہ وتی  قوم  ءُ  راج ءَ چہ  سئست

 

  چہ ماتین زُبان ءَ چیتوں پُشت کنے

  دگرانی  لبزاں  چیتوں  گُشت کنے

 

  وتی قوم  دامُن  بچاں  چل کُتگ

  درامد وتی دوست ءُ همدل کُتگ

 

  وتی  برات  چم ءَ  تو  آرسی کنے

  روے پہ گجر عشق ءُ مستی کنے

 

  وتی هستی ءَ چہ تو بیگانگے

 دگرے   ڈگار ءَ    تو   دلمانگے

 

  وتی حُرمت ءَ جاں بیار او گُوهار

  تو شیرانی  زاگ ‏ءِ‏  نہ روباے یار

 رند بلوچ