غلام حسین شوھاز ءِ شاھکاریں شعر ءِ ندر پہ بلوچ راج ءَ
جند ءِ بجار ءَ نزانئے تو عالم ءِ گپ ءَ کنے
راہ وتی گار کُتگ کپتگے شونزانی تھاں
ششگے لوگ ءَ مہ نند مردماں سنگ مجاں
توکاں
آزمان ءَ جنے جند ءِ دیم ءَ تی کپاں
نے شھر بانور ناں تو مئے گُلی
گیتانجلی
ڈے گیتانجلی
گُشاں بولی وشیں اگاں جندے بدیں
وتی
راھا یل داں آہ مردم ردیں
چین ءَ بچار تو کہ ژاپان نبی
دگرے ڈگار ءَ تی راں مان نبی
وتی سر ڈگار ءُ زبانیں وتی
وتی
گُشتگیں گال بیانیں وتی
جندے تی چاگرد تئی جنتیں
کوش
تی صباے تی روچ برکتیں
یے مھلوک ءُ مردم یے بے حرکتیں
فقیر
ءُ گداھیں درْوھیں بے وتیں
وتی بولیاں ماں چتو یل کناں
ماں
بگال ءُ گورے کہ رند ءَ تچاں
ابابگر ءُ عزت منا ھنکاھاں دوست
سید
دوستیں تچکیں وتی راں دوست
مناں دوست وتی رسم مناں دوست رواج
وتی
کاڑ گزالیں دل ءِ تخت ءُ تاج
ماں شیدا زبان ءِ ماں لبز ءِ ھدوک
وتی
چم دوستاں وتی چم ءِ روک
مناں تو شگاناں مجاں دلبرے
پمن
شعر وشاں گُلیں ساحر ے
زبان دُر بیانیں بلوچی منی
منی
باندات ھمیش ءُ مروچی منی
منی لبز ءُ گپتار بیانیں ھمیش
پمن
گنج ءُ گوھر پمن کم ءُ گیش
زبان زندگ بات ءُ سلامت ببات
میاریگ
باں شوھاز ملامت ببات
غلام حسین شوھاز
