۲۹
دی
کُجا بیت آ منی چمّانی روک
گم ءَ تئی مئے دل ءَ کُت آس روک
پدا گوریچءَ سِست ءُ بَرت گُلاب ئے
من ءَ داتی دِگہ گْرانیں اَزاب ئے
منی آ لاڑُکیں برات پَمن ماہ اَت
منی جان اَت منی آ جِند ساہ اَت
بِچار اِت مُرتگاں من زِندوکانی
کہ بے ساہ ءَ نہ بیت ایں زِندگانی
جُدائی ءَ تئی ھَر روچ مِراں من
تئی آ وشیں یات آں تلوساں من
چِتور گْوازیناں زِند ءَ بے ترا من
کہ گْرانیں بے ترا اِے زِند پَمن
کناں یک گِلَگ ئے من گوں ھُدا ءَ
کہ پرچا زوت بُرت آ پُلّ کہ اِدا ءَ
منی کَستِریں برات جاہ وش بات
کناں روچے ترا من سَد بَرا یات
✍ #رند_بلوچ 😢
