بلوچ ءُ بلوچستان

      ما  بلوچیں  ما بلوچیں  ما  بلوچ
                      ما  بلوچستان  ءِ  نوکیں  ماہ  ءُ  روچ

      تاک  تاک انت  زند دفتر تئی بلوچ
                  زیر  تپاک  ءِ رشتگ  ءَ  ھورئی  بدوچ

      پرچی ءَ از کاروان پد منتگ ئے
                   ظاھر انت پیش لنزگ ءِ مادن چو روچ

      ھمبلاں دوشی مزن بانگواہ کُتگ
                       منزل اش گپت انت ءُ آرام انت مروچ

      روچ در اتکگ تو انگت وابینگیں
                        شنگ ءُ شانگ انت بارءُ بے فکرے چہ کوچ

   کامیابی کار ءُ کوشست ءِ برانت
                         انب لوٹے چوں کہ تو کشتگ کروچ

   گوھرات پئے مان زر ءِ لنج ءَ بہ بُڈ
                                 لعل لوٹے سکّگیں کوھاں بکوچ

    وقت گوازیں ھے پہ واب ءُ غفلت ءَ
                           قیمتی جنس ءَ مکن چو سُتک ءُ سوچ

     روم ءُ شام ءِ ھسرت ءَ چیّ ءَ ورے
                             روم ءُ شامے اڈ کن از چانپ ءَ نکوچ

     گوں بلوچی غیرت ءَ میان ءَ بہ بند
                             میش چم جھلی مکن پاداں چو قوچ

    نی ترا زیب ایت گْشوشگ با پھر ءُ شان
                                  دیم ءِ دیوان ءَ کہ ما ھستیں بلوچ

 

- مولانا عبدالله روانبد